ټرس زیاته کړې:« بریټانیا د نړۍ نور هېوادونه راټولوي،ترڅو د افغانانو ملاتړ وکړي او له افغانستان سره د روغتیا، خوړو او پناه برخو کې مرستې وکړي. موږ له خپلو متحدینو او ملګرو سره پر ګډه له افغانستان سره د مرستو لپاره ډېر څه کولی شو.»
ویل کیږي،د یاد کنفرانس پر مهال به لیز ټرس په افغانستان کې ښځو پر مساوي حقونو او نجونو ته د ښوونځیو د بیا پرانېستلو باندې هم تمرکز وکړي.
بل خوا د بریتانیا حکومت طارق احمد په نوم یو وزیر ویلي، ویاړي چې د افغانستان په تړاو د ملګرو ملتونو کنفرانس کوربتوب کوي او زیاته کړې یې ده،چې د افغانستان خلک نه یوازې دا چې د ژوندي پاتې کېدلو حق لري،بلکې د آزاد ژوند او ژوند کې د پرمختګ حق هم لري.
