د حکيمي په خبره له پوځي ليکو نه په اېستل شويو کسانو کې ځينو له داعش ډلې سره اړيکې لرلې،ځینو نور له خلکو سره په ناوړه چلن تورن وو او پاتې نور د اسلامي امارت له اصولو سرغړونه کوله.
حکيمي وايي:« جرمونه مختلف دي، يو کې يې لیکلي چې فاسد و، فاجر و، بد اخلاقه و له ولس سره يې بد چلندکاوه، موږ تاسې پوهيږو،چې موږ ته ولس مالومات راکوي، نو هغوی ترې شکايتونه لري، نو دوی کې اکثره هغه خلک دي،چې بده سابقه لري او بله خبره به دا اضافه کړم،چې په دوی کې يې زياتره اوس په صفونو کې داخل شوي دي.»
د صفونو د تصفيې کميسيون مشر وايي،عام خلک دې، دې برخه کې له دوی سره مرسته وکړي،تر څو د اسلامي امارت پوځي لیکو نه ورانکاري او نامطلوب کسان وباسي.
حکيمي زیاتوي:« خلک په دقيقو مالوماتو راکولو سره موږ سره همکاري کولای شي، ما اوس هم ياده وکړه،چې موږ ته مالومات د ولس له لورې راکړل شوي دي، ولس چې له چا سر ټکوي،نو هغه بيا موږ تعقيبوو او له صفونو يې وباسو.»
