Skip to content
د افغانستان بهرنیو چارو چارسمبالي وزیر امیر خان متقي له اسوشیټيډ پریس خبري آژانس سره په مرکه کې ویلي،له ټولو هېوادونو سره ښې اړیکې غواړي او د امریکا له سره هم کومه ستونزه نه لري.
متقي یو ځل بیا له امریکا وغوښتل،چې د افغانستان ګنګل شوې شتمني خوشې کړي.
متقي ويلي، پر افغانستان باندې بندیزونه به هېڅ ګټه ونه کړي او په وینا یې د افغانستان بې ثباته کول او د یوه کمزوري حکومت لرل د هېچا پر ګټه هم نه دي.
هغه دغه راز ویلي، چې د ښځو کار او زده کړو ته ژمن دي، خو په اسلامي چوکاټ کې.
د مالوماتو له مخې، اسلامي امارت د امریکا په ګډون د نړۍ د هېڅ هېواد نظامي حضور په افغانستان کې نه مني، خو سیاسي، اقتصادي او نور بشردوستانه اړیکو جوړښت ته چمتو دي.
