Skip to content
د افغانستان بانک وايي،د نغدي مرستو دا کڅوړه چې ۱۹ عشاریه دوه میلیونه ډالره ده، پرون ناوخته راورسیده.
د یاد بانک مطبوعاتي مسوول حسیب الله نوری ویلي، له هوایي ډګره څخه د افغانستان نړیوال بانک ته د یادو پیسو د لېږد زمینه د افغانستان بانک برابره کړې وه.
هغه زیاته کړې،د افغانستان بانک هڅه کوي،چې د دغې نغدي مرستې په رارسېدو سره په هېواد کې د ډالرو پر وړاندې د افغانۍ ارزښت باثباته وساتي.
تر دې وړاندې هم افغانستان ته د نېږدې ۳۲ میلیونه ډالرو په اندازه نغدي مرسته په دوو کڅوړو کې رارسېدلې وه.
ټاکل شوې ده،چې دا لړۍ دوام وکړي او له افغانانو سره د نړیوالو هېوادونو نورې مرستې هم راورسېږي.
افغانستان ته دا بشري مرسته پر داسې مهال رارسېږي،چې په دې وروستیو کې د ډالرو پر وړاندې د افغانۍ ارزښت په بې ساري ډول ټیټ شوی دی، پرون یو ډالر په ۱۱۰ افغانۍ وپېرل شو.
