Skip to content
د بریټانیا بهرنیو چارو وزیرې لیز ټراس د جي اوه پرمختللو صنعتي هېوادونو ناسته کې وویل،دې پیسو سره به د څه باندې ۱.۸ میلیونه افغانانو لپاره خواړه،روغتیايي تجهیزات، سر پناه او د څښاک پاکې اوبه چمتو شي.
ټرس زیاته کړې،دغه مرستې به مستقمې اسلامي امارت ته نه ورکول کېږي،بلکې د ملګرو ملتونو، د افغانستان بشري صندوق، د خوړو نړیوال پروګرام، د کډوالو نړیوال سازمان،د ماشومانو د ملاتړ نړیوال صندوق یا یونیسف، د ملګرو ملتونو د وګړو صندوق او ژغورنې نړیوالې کمېټې له خوا به تر هغو کورنیو ورسیږي چې له جدي ګواښ سره مخ دي.
د برتانیې د بهرنیو چارو وزارت خبرپاڼه کې د ټرس له قوله راغلي،برتانیا په روان ژمي کې له افغانستان سره بشري مرستې کوي،نننۍ اعلان شوې بودیجه به د خلکو ژوند وژغوري، د نجونو او ښځو ساتنه به وکړي او د سیمې له ثبات سره به مرسته وکړي.موږ ژمن یو،چې د افغانستان د خلکو لپاره هر څه تر سره کړو.
د بریټانیا دغه مرسته د هغو ۲۸۶ میلیونو پونډه یوه برخه ده،چې سږ کال یې افغانستان ته د ورکولو ژمنه کړې وه.
