د کړکېچ نړیواله ډله:که افغانستان کې روان وضعیت همداشان دوام وکړي احتمال شته چې یو میلیون وګړي له لوږې او یخنۍ مړه شي

د کړکیچ نړیوالې ډلې ویلي،که په افغانستان کې وضعيت همداشان روان وي، نو شونې ده، هومره وګړي خپل ژوند وبايلي،څومره چې په تیرې ۲۰ کلنې جګړې کې د بمونو او بمباریو له امله وژل شوي دي.

یادې ډلې ویلي،افغانستان کې د پراخې لوږې د مخنيوي لپاره دې پر دغه هېواد لګېدلي محدوديتونه لېرې شي.

د یادې ډلې په خبره، که له افغانستان سره مرسته ونه شي، ښايي تر یو میلیون پورې ماشومان له لوږې مړه شي.

دغه ډله پر امریکا، اروپا او نورو نړیوالو غږ کوي، چې پر رسمیت د اسلامي امارت له پېژندلو پرته له اړمنو افغانانو سره مرسته وکړي.