ګرانډي: د اقتصادي پیاوړتیا لپاره باید له افغانستان سره سمدستي اقتصادي مرستې وشي

د کډوالو لپاره د ملګرو ملتونو لوی کمېشنر فلېپو ګراندې ویلي، د دې لپاره چې افغانستان کې اقتصادي پیاوړتیا رامنځته شي،نو په کار ده،چې له دغه هېواد سره سمدستي اقتصادي مرستې وشي.

ګراندې په جنیوا کې خبریالانو ته ویلي،ډېری افغانان هڅه کوي،چې د ژوند د ښو شرایطو لپاره بهرنیو هېوادونو ته ولاړ شي او ان په داخل د افغانستان کې هم د بې ځایه کېدو وېره شته دی. 

خو غوښتنه دا ده،چې که ریښتیا هم ملګري ملتونه او نړیواله ټولنه بشردوستي لري او له معقولیت کار اخلي،نو د افغانستان نوی حکومت دې په رسمیت وپېژني، کنګل کړې پیسې دې خوشې کړي او د اسلامي امارت پر مشرانو لګېدلي بندیزونه دې لرې کړي.