د بهرنيو چارو چارسمبالي وزير په کابل کې د پاکستان سفیر سره کتلي

 د افغانستان بهرنیو چارو وزارت  ویاند عبدالقهار بخلي ویلي، امیرخان متقي له منصور احمدخان سره کتنه کې د کابل او اسلام اباد پر دوه اړخېزو اړیکو سربېره په ګڼو مهمو مسایلو بحث او خبرې  کړي دي. 

بلخي ویلي، په دې لیدنه کې د سوداګرۍ پراختیا او همدا راز د  پاکستان له خاورې افغانستان سره د هند مرسته شویو غنمو د انتقال په اړه د لازمو اسانتياوو په رامنځته کولو هم خبرې وشوې.

د پاکستان سفیر منصور احمد خان ویلي،حکومت يې ژمن دی،چې هندي مرسته شویو غنمو ته د واګې بندر له لارې په افغاني موټرو کې تر افغانستانه د لېږد اجازه ورکړي.

د بهرنیو چارو چارسمبالي وزیر د پاکستان هېواد د دې اقدام هرکلی وکړ.