ماکرون: اروپايي ټولنه کابل کې د شريک ډ‌يپلوماټيک دفتر جوړولو په اړه فکر کوي

د فرانسې ولسمشر ایمانویل ماکرون په دوحه کې خبریالانو ته ويلي،یو شمېر اروپايي هېوادونه په کابل کې د ګډ ډیپلوماتیک مرکز پر پرانېستلو فکر کوي، چې له  سفیرانو یې هلته ستانه وشي.

ماکرون ویلي، په کابل کې د یوه داسې ګډ ځای په اړه فکر کوي،چې د سفیرانو د اوسېدو لپاره زمینه برابره کړي.

نوموړی چې دا مهال د خلیجي هېوادونو په سفر وتلی ویلي،دا اقدام د اسلامي امارت  پر رسمیت پېژندلو مانا نه لري او نه هم له هغوی سره د خبرو په مانا دی،بلکې دوی د دې لپاره دا کار کوي،چې وکولای شي، استازیتوب ولري.