Skip to content
په کابل کې د وزیر اکبرخان دولتي روغتون مسولین وایې، له تېرو څلورو کلونو راهیسې دې روغتون ته هېڅ ډول درمل نه دي اخېستل شوي او یوازي د مرستندویه بنسټونو پر درملو د ناروغانو درملنه کوي.
د یاد روغتون سرطبیب نجیب الله نثار وايي، د درملو له کمي سره مخ دي او تر اوسه پورې ورته درمل نه دي اخېستل شوي.
نثار زیاته کړه:« موږ ته له تېرو څلورو کلونو راهیسي درمل نه دې اخېستل شوي،یوازي مرستندویه بنسټونه درمل راکوي او هغه شرکتونه،چي د درملو مرسته کوي،باید وخت یې کاپي وي.»
بلخوا د وزیر اکبرخان روغتون سره د یوه خصوصي شرکت له لوري د څلور میلیونه افغانیو په ارزښت د دوه قلمه درملو مرسته وشوه.
د درملو خصوصي شرکت استازی خالد تکل وايي:« دغه دوه قلمه امپول درمل چي شااوخوا دوه څلویښت لکه افغانۍ ارزښت لري،موج رودات له لوري مرسته شوي،ترڅو له ناروغه هېوادوالو سره مرسته وشي.»
د عامي روغتیا وزارت ریس دفتر محمد داوود منصوري په یاده ناسته کې وویل، دولتي روغتونونو کې د درملو کمي ستونزي شته او له بېلابېلو بنسټونو یې د درملو په برخه کې د مرستي غوښتنه کړې ده،چې نږدې راتلونکې کې به حل شي.
