د ازبکستان ولسمشر شوکت میرضیایف ویلي، د افغانستان جغرافیوي موقعیت مهم دی او د مرکزي اسیا او سویلي اسیا او دغه راز د ختیځې او لوېدیځې اسیا تر منځ د ارتباطي پُل حیثیت لري.
میرضیایف ویلي، که افغانستان کې سوله او ثبات راشي، نو د سترو پروژو د پیل کېدو لپاره به زمینه برابره شي.
میرضیایف په همدې موخه ټینګار کړی دی،چې باید له افغان مشرانو سره خبرې او مذاکرات وشي.
نوموړي ویلي، که پر وخت اقدام ونه شي، نو افغانستان به د اوږدمهال لپاره په ستونزو کې راګیر شي او د سیمې لپاره به په ګواښ بدل شي.
هغه زیاته کړې ده،چې افغانستان کې د سولې او ثبات رامنځته کېدو سره داسې سترو پروژو پلې کېدو ته زمینه برابرېږي،چې ګټه یې سیمې او نړۍ ته رسېږي.
ټاکل شوې ده، چې شوکت میرضیایف سبا قزاقستان ته ولاړ شي او هلته به هم پر افغانستان خبرې وکړي.
