امریکا د طالبانو د نوې کابینې د ځینو کسانو د اړیکو او مخینې په اړه اندېښنه ښودلې د ه.
د امریکا بهرنیو چارو وزارت په یوه اعلامیه کې لیکلي، د طالبانو د کابینې نوملړ یې لیدلی او په اړه یې ارزونه کوي.
د امریکا د بهرنیو چارو وزارت په اعلامیه کې ویل شوي، چې د نومونو په خپاره شوي لیست کې یوازې د طالبانو غړي او یا هم د هغوی نږدې همکاران لیدل کېږي او مېرمنې پکې نشته.
په اعلامیه کې راغلي: موږ د یو شمېر کسانو د اړیکو او سابقې په اړه اندیښنه لرو.
د طالبانو د نوي حکومت مشر محمد حسن اخند د ملګرو ملتونو د امنیت شورا د بندیزونو په لست کې دی.
د امریکا د بهرنیو چارو وزارت په اعلامیه کې راغلي، امریکا تمه لري، څو طالبان د بهرنیو اتباعو او هغو افغانانو د خوندي وتلو په اړه پر خپلو ژمنو ودریږي، چې د سفر قانوني اسناد لري.