امریکا هغه راپورونه رد کړل، چې ګواکې طالبانو په بلخ کې د بهرنیو ځواکونو او هغو افغانانو د تګ مخه نیولې، چې له افغانستانه وتل.
د امریکا د بهرنیو چارو وزیر انتوني بلینکن ویلي، دوی خبر نه دي، چې څوک په الوتکو کې ایسار پاتې دي او یا هم یرغمل شوي دي.
تر دې وړاندې ځینو رسنیو داسې راپورونه ورکړل، چې طالبانو په بلخ کې د یو شمېر امریکایانو په ګډون څو سوه کسانو ته له هېواده د وتلو اجازه نه ده ورکړې.
انتوني بلېنکن ویلي، طالبانو دوی ته ډاډ ورکړی، چې د مناسبو اسنادو لرونکو کسانو ته به اجازه ورکړي، چې له هېواده ووځي.
بلینکن ویلي، د اوس لپاره داسې کسان بهر ته نه شي تللی، چې د سفر قانوني اسناد و نه لري.