د ناټو سرمنشي ینس سټولټنبرګ وايي، په نړیواله کچه د اټومي وسلې په تړاو اندیښنې د زیاتېدو په حال کې دي او چین یې باید د مخنیوي لپاره هڅه وکړي.
سټولټنبرګ د وسلې د کنټرول په کلنۍ ناسته کې دغه خبرې وکړې او له نورو هیوادونو یې هم د ورته کار غوښتنه وکړه.
هغه زیاته کړه، چې چین او روسیه پیاوړي او اغیزمن هېوادونه دي او هغوی که په دې برخه کې هڅه وکړي نو ډېره اغیزمنه به تمامه شي.
د ناټو سرمنشي وویل دا کنفرانس د نړیوال ټیکاو او ثبات لپاره ډیر اړین دی.
اخوا د ملګرو ملتونو امنیت شورا غړي هېوادونه هم پر ایران فشار راوړي، چې د یورانیمو د غني کولو لړۍ پای ته ورسوي، ترڅو د اټومي وسلې مخه ونیول شي.