د امریکا بهرنیو چارو وزیر قطر ته رسېدلی

د امریکا بهرنیو چارو وزیر انټوني بلینکن قطر کې له دفاع وزیر سره یو ځای شوی او په ګډه به له قطري چارواکو سره وګوري.

 بلینکن به د افغانستان په ګډون د سیمې هېوادونو د روان وضعیت په اړه خبرې وکړي

دا لومړی ځل دی، چې بلینکن دوحې ته رسمي سفر کوي، ترڅو د دغه هېواد له چارواکو سره خبرې وکړي.

قطر ته په دې وروستیو کې د لویدیځو هېوادونو پاملرنه زیاته شوې او ګڼ شمېر چارواکي ورته را مات شوي دي.

دغه اړیکې وروسته له هغې پراخیږي، چې د سعودي او قطر ترمنځ کړکېچونو دغه هېواد د نړیوالو له پامه ډیر غورځولی و.