Skip to content
د افغانستان مخکیني ولسمشر مرستیال امرالله صالح خپلو ساتونکو ته ویلي،که تسلیمدم، نو دوه مرمۍ مې دې وولي.
صالح ويلي،د کابل د سقوط پر ورځ ورسره ډېر پیاوړي پوځي چارواکي ملګري شوي او مقاومت به یې ژر پای ته ونه ورسېږي.
اخوا یو شمیر نور راپورونه وايي، صالح له ملګرو ملتونو غوښتي،چې د پنجشیر په موضوع کې پر طالبانو فشار راوړي،ترڅو مذاکراتو ته چمتو شي.
صالح دا خبرې داسې مهال کوي،چې پنجشیر کې اوس هم سخته جګړه روانه ده او طالبان د ډېرو سیمو د نیولو ادعا کوي،خو د مقاومت جبهې مشران یې ردوي.
صالح وړاندې تر دې د پنجشیر وضعیت د اندېښنې وړ ګڼلی و.
