پلازمینه دمشق کې نظامي مسوولین وايي، د اسراييلو له لوري د دوی پر خاوره تېره ورځ توغندي توغول شوي وو، چې دوی یې د مدافع سیسټم په مرسته مخه نیولې ده.
د صنعا خبري آژانس د توغنديو شمیر ندی ښودلی خو زیاته کړې یې ده، چې ډېر برخه یې موخې ته له رسېدو وړاندې شنډ کړي دي.
سوري چارواکي وايي، دغه توغندي د لبنان له سویل ختېځو سیمو توغول شوي دي.
تر دې دمه د دغو توغندیو له امله په دمشق کې چاته د زیان اوښتو په اړه څه ندي ویل شوي.
اخوا د سوریې ګاونډیو هېوادونو په دې تړاو خبر ندی ورکړی او نه یې هم کومه څرګندونه کړې ده.