ملا محمد یعقوب: هوایي ډزې کول له هېوادوالو او بیت المال سره خیانت دی

د طالبانو د مشر مولوي هیبة الله اخندزاده مرستیال مولوي محمد یعقوب طالبانو ته په یوه غږیز پیغام کې ویلي، هوایي ډزې کول له بیت المال، نظام او حکومت سره خیانت دی.

یعقوب جدي خبرداری ورکړی،  که بیا څوک ډزې وکړي، بې وسلې او بندي به یې کړي.

د نوموړي  دغه پیغام د طالبانو د فرهنګي کمېسیون مرستیال احمد الله وثیق پر خپله  ټوېټر پاڼه  خپور کړی دی.

تېر ماښام په کابل او یو شمېر نورو ولایتونو کې د پنجشیر د فتحې په خوشحالۍ کې طالبانو هوایي ډزې وکړې.