د کندهار د سوداګرۍ خونې ویلي، له ګڼو ستونزو سره سره له کندهاره د ۷۶ میلیونه ډالرو په ارزښت شاوخوا ۳۳ ټنه وچه او تازه مېوه بهر ته صادره شوې ده.
دا په داسې حال کې ده، چې سږ کال په همدې موده کې د کندهار په یو شمېر مهمو ولسوالیو کې سختې جګړې وشوې او حاصلاتو ته یې سخت زیان واړاوه او دغه راز د نامناسبو حالاتو او د لارې بندېدو له کبله د څه مودې لپاره د صادراتو لړۍ هم ټکنۍ شوه.
د مالوماتو له مخې، د هېواد په کچه د تازه او وچې مېوې ۷۰ سلنه صادرات له کندهار او پاتې ۳۰ سلنه یې د هېواد له نورو لایتونو څخه کېږي.