انټوني بلینکن قطر او جرمني ته سفر کوي

ټاکل شوې، چې د امریکا بهرنیو چارو وزیر انټوني بلینکن به افغانستان کې د رامنځته شوي وضعیت په اړه د خبرو لپاره سبا قطر او بیا جرمني ته سفر وکړي.

ویل کېږي، بلینکن به هلته د هغو افغانانو د وتلو په چارو کې مرسته وکړي، چې څو ورځې مخکې په بېړه له افغانستانه وتلي او په قطر او جرمني کې مېشت دي.

بلېنکن ویلي، دی به له هغو شااوخوا شل هېوادونو څخه هم مننه وکړي، چې له افغانستانه د لسګونه زره کسانو د را ایستلو او ځای پر ځای کولو برخه کې یې ونډه اخېستې وه.