ترکیه له افغانستان سره خپلو اړیکو او مرستو ته دوام ورکوي

په قطر کې د طالبانو سیاسي دفتر ویاند  محمد نعیم پر خپله ټویټر پاڼه لیکلي، پرون غرمه مهال د اسلامي امارت سياسي دفتر مرستيال شير محمد عباس ستانكزي په دوحه کې د ترکيې  له سفير مصطفی کوکصو سره لېدنه کړې. 

 نعیم وايي، په ليدنه کې افغانستان کې په روان او راتلونكي وضعيت خبرې وشوې.

د نعیم په خبره، د تركيې سفیر ويلي، له افغان ولس سره خپلو اړيکو او مرستو ته دوام ورکوي.

د ترکیې سفیر مصطفی کوکصو هيله څرګنده کړې،چې په افغانستان کې يو پياوړی او د افغان ولس د خوښې وړ نظام رامنځته شي.

بل پلو د اسلامي امارت پلاوي هم له ترکيې سره د ښو او دوام داره اړيکو هيله څرګنده کړې ده.