د بریتانیوۍ ټایمز ورځپاڼې د راپور له مخې، د طالبانو د استخباراتو مشر مولوي سیف الله محمد ویلي، د کابل نړیوال هوایي ډګر کې د تېرې پنجشنبې د ورځې له چاودنې او ډزو وروسته یې ۶ تنه نیولي، چې دوه یې مالیزیایان دي.
د سټار په نوم یوې مالیزیایۍ ورځپاڼې هم دا خبره منلې، خو ویلي یې دي، چې تر اوسه د نیول شوو مالیزیایانو نومونه نه دي په ډاګه شوي.
د کابل هوایي ډګر کې د پنجشنبې د ورځې چاودنې او ډزو مسؤلیت داعش ډلې پر غاړه اخیستی، خو طالبان یې نه مني او د بهرنیو کار یې بولي.
په ورته وخت کې د امریکا ولسمشر د یاد هوایي ډګر شاوخوا کې د بلې چاودنې خبر هم ورکړی، چې روانه اوونۍ به ترسره شي.
امریکا او بریتانیا د شوې چاودنې هم خبر و او دا دی د بلې یې هم خبر ورکړی، خو نه یې وایي چې دا چاودنې څوک کوي او څنګه یې مخنیوی کېږي.