پنټاګون: افغانستان کې خپل ماموریت په منظمه توګه پای ته رسوو

ټاکل شوې، چې د راتلونکې سې شنبې په ورځ په افغانستان کې د امریکا پیل کړې شل کلنه جګړه ظاهراً پای ته ورسېږي او ټول بهرني نظامي ځواکونه ووځي.

د امریکا دفاع وزارت یا پنټاګون ویلي، پوځي ماموریت به په خوندي او منظمه توګه د اګسټ په ۳۱ مه نېټه پای ته ورسوي.

د امریکا دفاع وزارت ویاند جان کربي تېره ورځ ویلي، د دوی د ماموریت تر بشپړېدو به د کابل هوایي ډګر له دوی سره وي او د خپلو خلکو اېستلو ته به دوام ورکړي.