Skip to content
د لغمان ولایت پخوانی والي، امنیه قوماندان، د ملي امنیت رییس او د ولایتي شورا رییس نن د طالبانو له زندانه خوش شول.
یادو چارواکو دوه اوونۍ له طالبانو سره بند کې تېرې کړي او هغه وخت نیول شوي وو، چې اسلامي امارت لغمان ولایت ونیو.
خوشې شوي کسان وایي، د طالبانو لخوا ورته هېڅ ډول زجر نه دی ورکول شوی او په سوشل مېډیا کې خپرې شوې ټولې هغه اوازې یې رد کړې، چې ګنې طالبانو ور سره ناسم چلند کړی، وهلي او ربړولي یې دي.
طالبانو ویلي، یاد کسان یې د مرکز په امر تېرې دوه اونۍ ساتلي وو او نن یې د خپل مشرتابه له وینا سره سم ازاد کړل.
