سیګار یو ځل بیا افغان دولت ملامت بللی چې نه دی توانېدلی په جنسي ځورونو تورن کرام الدین کریم ونیسي او د قانون منګولو ته یې وسپاري.
د افغانستان د بیا رغونې په برخه کې د امریکا پلټونکې اداره یا سیګار وايي، کرام الدین کریم د افغانستان د نجونو د فوټبال د ملي لوبډلې له غړو سره په جنسي ځورونه تورن دی.
سیګار همدې تورونو ته په اشارې لیکلي، کرام الدین کریم له خپل موقف ناوړه ګټه اخیستې ، له انجونو سره یې زور زیاتی کړی او حکومت باید له هغه وضاحت غوښتی وای خو دولت په دې برخه کې پاتې راغلی.
د کرام الدین کریم د نیولو لپاره افغان حکومت پنجشیر ته ځانګړي ځواکونه ولیږل خو د پنجشیر خلکو په جنسي ځورونې تورن کرام الدین کریم ننګه وکړه او افغان ځواکونه بیرته تش لاس راستانه شول.
