کندز کې د جلا جلا بریدونو له امله ۱۵ پوځیان او ۷ سیمه ییز پولیس وژل شوي دي.
د ۲۱۷ پامیر قول اردو یوې سر چینې شمشاد ته وویل چې تېره شپه د ښار اړوند باغ شرکت سیمه کې طالبانو د پوځ پر یوې پوستې برید کړی دی.
په دغه برید کې ۱۵ پوځیان وژل شوي دي.
سرچینه وایي، طالبانو د اورکم له مودې په ګټې اخېستنې سره په سیمه کې جنګیالي ځای پرځای کړي وو چې تېره شپه یی برید وکړ.
یوه بله سرچینه وایي چې طالبانو د ښار اړوند تیپه یي مرچ سیمه کې پر سیمه ییزو پولیسو هم برید کړی چې ۷ یي وژلي ا و ۳ نادرکه دي.
د کندز روغتون مسوولین وایی چې د سیمه ییزو پولیسو ۳ جسدونه او ۲ ټپيان ور وړل شوي دي.
د کندز امنیتي چارواکي بیا وایي چې دواړه پوستې یي بیرته نیولي او طالبانو ته یي هم مرګ ژوبله اړولې ده .
