کابل کې د ملګرو ملتونو مرستندويه ادارې ويلي، خپل سريو ګمارنو او د چارواکو بدلون په اړه اندېښمنه ده.
يوناما وايي، په داسې حال کې، چې د تاوتريخوالي کمولو اوونۍ پيل شوه د زور او غير قانوني لارو څخه کار اخيستل او د چارواکو ګمارل سولې لپاره د خلکو هېلې له خطر سره مخامخ کوي.
یوناما په ټولو خواو غږ کوي چې له زغم کار واخلي او د قانون حکم ته درناوی وکړي او ستونزې د خبرو اترو له لارې حل کړي.
د یوناما څرګندونې داسې مهال کېږي چې جنرال عبدالرشید دوستم په سرپل ولایت کې محمد نور رحماني د نوي والي په توګه معرفي کړ.
له شنبې سهاره جنرال عبدالرشید دوستم سلګونه وسله والو د ولایت مقام کلابند کړی و.
له دې وړاندې جنرال دوستم خبرداری ورکړی و که عبدالله عبدالله د و لسمشر په توګه اعلان نه شي موازي حکومت به جوړ کړي.
دوستم دا هم ویلي و چې یو شمېر نورو شمالي ولایتونو کې به هم خپل والیان معرفي کړي.
ویل کېږي چې ثبات او همپالنې ټاکنیز ټیم به نن د پنجشېر او جوزیان لپاره هم نوي والیان معرفي کړي.
ارګ تراوسه ددغو ګمارنو په تړاو څه نه دي ویلي.
