پاکستان پر هغو افغاني توکو چې د یاد هېواد له بندرونو څخه نورو هېوادونو ته صادریږي نوي محدودیتونه وضع کړي.
د افغانستان او پاکستان د سوداګرۍ ګډه خونه وايي؛ پاکستان د همدې میاشتې تر پایه افغان سوداګرو ته وخت ټاکلی چې د کارګو پر ځپل خپل توکي په کانټینرونو کې انتقال کړي.
خصوصي سکټور زیاتوي که پاکستان دغه پریکړه عملي کړي له یاد هېواد سره به د سوداګرۍ او ټرانزيت کچه ټیټه او سوداګر به اړ شي چې د ټرانزیټ مسیر ته بدلون ورکړي.
پاکستان افغان سوداګرو ته وخت ټاکلی چې نور خپل توکي د کارګو پر ځای کانټینرونو کې انتقال کړي.
د افغانستان او پاکستان د سوداګرۍ ګډه خونه وايي، پاکستان د ټرانزیټ برخه کې د قوانینو خلاف عمل کوي او د یاد هېواد له لارې د صادريدونکو افغاني توکو د تفتیش او کنټرول برخه کې ستونزې جوړي.
خصوصي سکټور وايي، که پاکستان دغې پریکړې عملي کېدو سره به له یاد هېواد سره د افغانستان د سوداګرۍ او ټرانزيټ کچه کمه شي او سوداګر به اړ شي چې د صادراتو لپاره بدیلې لارې ولټوي.
د سوداګرۍ وزارت تر دې دمه ددې ستونزې په تړاو کوم اقدام نه دی کړی، خصوصي سکټور وايي، که چېرته پاکستان دغه اقدام عملي کړي ، افغانستان حکومت هم باید ورته اقدام کړي او له کاڼټينر پرته منځنۍ اسیا ته د پاکستاني توکو لېږد مخه ونیسي.
