کابل ښار کې د شخصي دښمنیو پاللو له امله هدفي وژنې زیاتې شوي دي.
کابل ښار کې د هدفي وژنو پر ضد مقطعي کمپاینونه وخت ناوخت تر سترګو کیږي چې ور سره د جرمونو په ګراف کې هم کموالی او زیاتوالی راځي.
د کابل امنیتي چارواکي وايي، له ولایتونو کابل ته د دښمنۍ له امله راکډه شوې کورنۍ دلته له یو بل غچ اخلي چې دا چاره د هدفي وژنو لامل شوې.
د ولسي جرګې غړي بیا پر حکومت نیوکه کوي چې هغه کسان له دندو نه لري کوي چې غیر مسوول وسله وال لري او همدوی د هدفي وژنو عاملین دي.
د کابل امنیه قومندانۍ مرستیال عصمت الله نېکزاد وايي، ښار کې د عامه نظم د ګډوډۍ لوی او اصلي لامل د نفوس زیاتوالی دی چې هدفي وژني په خبره یې له دې لارې هدفي وژنې تر سره کیږي.
د کابل امنیه قومنداني ادعا کوي چې دپخوا په پرتله ښار کې قتلونه او هدفي وژنې کابو شوي.
خو ځینې وکیلان بیا د کابل پولیس د ښاریانو په خوندیتوب کې پاتې بولي او هغه کسان د هدفي وژنو او ترور عاملین بولي چې غیر مسول وسله وال لري.
د کابل پخوانی امنیه قومندان داود امین ځاځی هم د یکشنبې په شپه ناپېژانده موټر سایکل سپرو برید کې ټپي شوی چې اوس یې د قضیې په اړه پولیسو څېړنې پیل کړي.
د کابل امنیتي چارواکي نه یوازې دا چې د ترور برخه کې د کموالي خبره کوي ادعا یې دا ده چې د جرمونو په وړاندې مبارزه کې له ۱۶ تر شل سلنې کموالی راغلی.
