له بریکزیټ هوکړې او له اروپايي ټولنې د بریټانیا د وتلو له بهیر وروسته بریټانیا نوره د اروپايي ټولنې برخه نه ده.
بریټانیا پس له درې کلنو هلو ځلو او کړکیچونو اخر په دې و توانید چې اروپايي ټولنه پریږدي.
د بریټانیا لومړي وزیر بوریس جانسن په یوه پیغام کې ولس ته د بریکزیټ هوکړې مبارکي ورکړه او پر هغوی یې د اتحاد او اتفاق غږ وکړ.
اخوا اروپايي ټولنې هم له بریټانیا د وتلو په تړاو وروستۍ غونډه ونیوله او له بریټانیا سره یې وروستۍ خدای پاماني وکړه.
لندن کې هغه کسان هم واټونو ته وتلي او خوښي یې نمانځلې چې د بریکزیټ پلویان دي.
