سیګار ویلي، عادي ژوند ته د ۸۰ زره طالبانو راګرځول اسانه کار نه دی.
د افغانستان د بیا رغونې په چارو کې د امریکا د څار ادارې مشر جان ساپکو د ګانګرس غړو ته له طالبانو سره د سولې او نورو اړوندو مسایلو په اړه مالومات ورکړي دي.
جان ساپکو ویلي، له طالبانو سره سوله ستونزمنه ده او د سولې ساتل تر سولې لا ستونزمن کار دی.
ساپکو ویلي، دغه برخه کې تر ټولو مهم د امریکا، افغانستان او نورو متحدینو ګډه همکاري او د اختلافاتو ختمول دي.
هغه د ممکنه سولې له تړون وروسته عادي ژوند ته د طالبانو راګرځول ستونزمن او له مالي پلوه ګران بللي دي.
