د پښتون ژغورنې غورځنګ مشر منظور پښتین او د هغه شپږ نور ملګري پولیسو بیولي دي.
د منظور نږدې باوري ملګري محسن داوړ په ټویټر پاڼه لیکلي، منظور او د هغه شپږ ملګري تیره شپه یوه بجه د خیبر پښتونخوا مرکز پېښور له تاکال سیمې پولیسو بیولي دي.
د منظور په ګډون د نیول شویو کسانو نومونه احمد وزیر، سلام مندوخېل، بلال مسید، ادریس پښتین، سلمان پختون او فاروق ښودل شوي دي.
محسن داوړ ویلي، دا دوی د سوله ییزو مبارزو سزاده ده چې ویني یې، هغه په ورته وخت کې پر خلکو غږ کړی چې ارام دي اوسي او په دې برخه کې دې له جدیت کار نه اخلي.
هغه ویلي، د منظور پښتین نیول کیدو د دوی مبارزه ټکنۍ کیږي نه بلکې نوره به هم پیاوړې شي.
د رسنیو راپور له مخې، پر منظور پښتین تورونه دي چې حکومت یې ګواښلی، د بېلابېلو ډلو ترمنځ یې نفاق اچولی، د حکومت پر وړاندې یې بغاوت کړی او د ځینو دسیسو جوړولو هڅه یې کړې ده.
پاکستاني رسنیو ویلي، د پښتین پر ضد دوسیه ډېره اسماعیل خان کې ثبت شوې ده.
