کابل کې د ملي اردو له تعلیمي مرکز نږدې ۱۴ سوه افسران او سرتېري له زده کړو فارغ شول.
که څه هم په کور دننه او بهر افغانستان کې د جګړې ختمولو او سولې راوستو په موخه هڅې روانې دي، خو ورسره د سرتېرو روزنه هم روانه ده چې د ممکنه ګواښونو ته چمتووالی ونیسي.
تازه کابل کې د ملي اردو له تعلیمي مرکز نږدې ۱۴ سوه افسران او سرتېري له زده کړو فارغ او بیلابیلو ولایتونو ته واستول شول.
مسؤلینو فارغ شويو ځواکونو ته سپارښتنه وکړه چې خپل ملیتوب وساتي او په ریښتینې توګه خلکو او خاورې ته خدمت وکړي.
فارغ شوي ځواکونو ژمنه کړې چې له خپلې خاورې به ساتنه کوي او تر څو چې ژوندي وي دغه لاره کې به قربانۍ ورکوي.
د جګړې د سنګر ساتلو په موخه تازه کابل کې د ملي اردو له تعلیمي مرکزه ۱۳۶۴ ځواکونه فارغ شول چې ۱۳۳۵ یې سربازان او ۲۹ یې افسران او د اړتیا له مخې به بیلا بیلو ولایتونو ته واستول شي.
دوی ته سپارښتنه دا ده چې په چارو کې شفافیت رامنځته کړي، خپل مليتوب او یووالی وساتي او خپلې عقېدې، خاورې او خلکو ته خدمت وکړي.
دوی ته ۱۲ اوونۍ په بیلا بیلو برخو کې زده کړې ورکړل شوي دي.
سرتیرو په خپلو څرګندونو کې ژمنه وکړه چې څه یې زده کړي په عملي ډګر کې به یې پیاده کړي او د ژوند تر پایه به له هېواده ساتنه کوي.
