بښنې نړیوال سازمان وايي، د تاوتریخوالي را کمول مانا نلري.
د بښنې نړیوال سازمان په افغانستان کې د تاوتریخوالي را کمولو وړاندیز بې مانا بللی دی.
دغه نړیوال سازمان د یوې اعلامیې په خپرولو سره ویلي چې د تاوتریخوالي هېڅ کچه د منلو وړ نه ده.
د سویلي اسیا د چارو مرستیال عمر وړایچ ویلي، اوس هم پر ملکي وګړو بریدونه کېږي په داسې یو وضعیت کې د تاوتریخوالي راکمول کومه مانا نه لري او باید ودرول شي.
د بښنې نړیوال سازمان غوښتنه کړې چې طالبان، افغان حکومت او امریکا دجګړې قوانین په پام کې ونیسي او بریدونه دې ودروي.
افغان حکومت د سولې خبرو لپاره د بین الافغاني خبرو پیل او اوربند غوښتنه کړې خو طالبانو د قطر خبرو کې امریکايي پلاوي سره یوازې د تاو تریخوالي راکمولو ژمنه کړې ده.
