د برېښنا شرکت چارواکو په هرات کــې له ترکمنستان څخه د وارداتي برېښنا له هغې ستنې لیدنه کړې چې څو ورځې وړاندې د واورې ورښت له امله زیانمنه شوې وه او له امله یې شاوخوا۵۰ ساعته د دې ولایت اوسېدونکو برېښنا نه لرله.
د هرات برېښنا مسوولان یې لامل د واورې او یخنۍ ترڅنګ په سیمه کې د تودوخې درجې ته نه پامـــــلرنه بولي. دوی وایي، دلــــــته د برېښــــنا نصب شوې پایې تر مـنفي ۱۵درجو د سړې هوا پر وړاندې مقاومت لري؛ په داسې حال کې چې په دې سیمه کې هوا تر دې ډېره سړېږي.
د هرات برېښنا رییس خیرمحمد معراج وايي: « د برېښنا د ستنو ترمنځ فــــــاصله ډېره ده. کوم وخت کې چې دا ستنې جوړې شوې دي، هغه مهاله د اوسپنې کیفیت تر منفي ۱۵ درجو په پام کې نیول شوی، حال دا چې دلته تر منفي ۵۰ پورې د هوا درجه ښکته ځي. همدا د اوسپنې ټیټ کیفیت او د ستونو ترمنځ د فاصلې ډېروالی او دغه راز تر منفي ۴۵ پورې د هوا سړېدل لامل شول چې دا ستنه چپه شي. موږ په همدې سړه هوا کې د شپې په ۲ بجو راغلو او دا موقتي پایې مو ولګولې، ترڅو د هرات ولس برېښنا ولري.»
سیمې ته له کابله ورغلي تخنیکي مسوولان په لنډمهاله توګه د برېښـنا بېرته نښلولو ترڅنګ ډاډ ورکوي چې تر یوې اوونۍ به بېرته په هرات کې خلکو ته په عــادي توګه برېښنا برابره کړي.
د برېښنا شرکت د لوړ ولتاژ رییس احد بارکزی وايي: « تاســـو وینئ چې دا ستنه موږ موقتا ً لګولې او لینونه مو په کې کش کړي، ترڅو خلک بې برېښنا پاتې نه شي. اوس چې اصلي ستنه ورغول شوه، دا لینونه بېرته پر اصلي ستنې تړو.»
بله خوا، د برېښنا شرکت چارواکي په صنعت او سوداګرۍ کې د برېښنا ارزښت ته په کـــــتو په دې برخه کــــې د شــــــته ستونزو له مــــــنځه وړلــو او د باثباته برېښنا لپاره د سټراټیژیک پلان د جوړلو خبر ورکوي. دوی وایي، هڅه کـــــــــوي په ټول هېواد کې د انتقالي برېښنا حلقوي مزي وغځوي.
د برېښنا شرکت اجراییوي رییس عبدالباري عمر وايي: « د اقـــــتصاد د رغېدو او په خپلو پښو درېدو لپاره مهم څیز صنعت دی؛ صنعت زموږ د ځان بســــیاینې او د نورو له احتیاج څخه خلاصېدو سبب کېږي؛ خبره دا ده چ صنعت له برېښنا څخه ناممـــــکن دی. له همدې امله، برېښنا د ټول نظام او په ځانګړې توګه د برېښنا شـــــــــــــــــرکت په لومړیتوبونو کې ده. هڅه کېږي چې موږ با ثباته انرژۍ ته لاسرسی ولرو او د همدې لپاره پر سټراټیژيک پلان کار کوو. زموږ د کلني پلان له مخې د افغانستان په ټولو صنعتي ښارونو کې ځینې پلانونه عملي شوي او ځینې د عملي کــــــــېدو په حال کې دي.»
افغانستان د خپلې اړتیا وړ شاوخوا ۵زره مېګاواټه برېښــــنا لویه برخه چې نږدې۸۰۰ مېګاواټه کېږي؛ د ترکمنستان په ګډون له تاجیکستان، ازبېکستان او ایران څخه په کلني ډول د سلګونه میلیون ډالرو په بدل کې واردوي.
