د اسیا پراختايي بانک: تېر کال مو افغانستان سره څه باندې ۴۰۰ میلیونه ډالره مرسته کړې

د اسیا پراختیايي بانک له لوري په خپور شوي راپور کې ویل شوي،چې دغه بانک  په ۲۰۲۲ زیږدیز کال کې له افغانستان سره څه باندې ۴۰۵ مېلیونه ډالره مرسته کړې ده.

په راپور کې راغلي،چې دغه مرستې په افغانستان کې د ملګرو ملتونو د پروګرامونو له لارې لګول شوې دي.

په راپو کې همداراز راغلي، په افغانستان کې وچکالیو او سېلابونو خوراکي خوندیتوب له ستونزو سره مخ کړی او د خوراکي توکو د بیو د لوړېدو لامل هم شوي دي.

د اسیا پراختیايي بانک ویلي،په ۲۰۲۲ کال کې یې د اسیا او آرام سمندرګي په یو شمېر هېوادونو کې د خوړو د خوندیتوب او همداراز په افغانستان، پاکستان او سریلانکا کې د نجونو او ښځو د لاسنیوي لپاره ۳.۷ مېلیارډه ډالره مصرف کړي دي.