د بګرام هوايي ډګر قوماندان جنرال اسدالله کوهستاني ویلي، دغه ډګر له ځانګړي ارزښت برخمن دی، نو له همدې امله یې د ساتنې او امنیت لپاره بشپړ تدابېر نیول کېږي.
کوهستاني همداراز ویلي، د بګرام هوایي ډګر ستر روغتون به ډېر ژر فعال شي او د افغان پوځ درملنه به په کې کېږي.
بګرام له تیرو شلو کلونو د امریکايي ځواکونو تر ټولو لوی پوځي مرکز پاتې شوی دی،چې له همدې ځایه یې هوايي بریدونه، شپني عملیات او نور پوځي فعالیتونه تر سره کول.
بګرام هوايي اډه کې لا هم د پروان زندان شته،چې سلګونه د دولت ضد وسله وال په کې ساتل کېږي.