په کابل کې د مالیې سرپرست وزیر محمد خالد پاینده د ملګرو ملتونو سرمنشي د استازي مرستیال سره د یوه ګډ خبري کنفرانس پر مهال وویل، د اټکل له مخې، ۲۰۲۱ زېږدیز کال کې به ۱۸.۴ میلیونه افغانان بشري مرستو ته اړتیا ولري.
افغان حکومت او ملګرو ملتونو پر ګډه له نړیوالو بنسټونو د مرستې غوښتنه کوله ټینګار وکړ، چې یاد کسانو سره د مرستې لپاره یو اعشاریه دری ملیارده ډالرو ته اړتیا ده.
پاینده بشري مرستې د انساني ناورین د مخنیوي لپاره اړینې بولي او ټینګار کوي،چې افغان حکومت د یو لړ برنامو پلي کولو لپاره نږدې دوه نیم سوه میلیونه ډالره مرسته کوي.
پاینده زیاته کړه:«دې اړتیا ده،چې د بشري مرستو لپاره پر ګډه غږ وشي او پر همدې اساس نن د افغانستان اسلامي جمهوري او ملګري ملتونو پر ګده دغه هڅې پيأ کړي دي، ترڅو له انساني ناورین مخنیوی وشي. یو څو درسونه مو چې له تېرو وچکالیو او ورته افتونو زده کړي، یو دا چې د حکومت مشرتابه همغږي پر مخ یو سي، نو تل کولائ شو، چې غوره پایلې ترلاسه کړو.»
بل پلو د ملګرو ملتونو د سرمنشي استازي مرستیال رامز الاکبروف بیا وايي، لږ تر لږه د افغانستان نیم نفوس بشري مرستو او د خوندېتوب ملاتړ ته اړتیا لري.
رامز الاکبروف زیاته کړه:« د اوسني بېړني وضیعت او وچکالۍ له امله درېیمه برخه خلک د خوړو نه خوندیتوب ستونزې سره مخ دي او له پنځوو کلونو کم عمره ماشومانو نیمایي یې له خوارځواکۍ سره مخ دي. له دې سربېره کورونا وبا او د جګړو شدت نورې هغه ستونزې دي،چې روان بحران یې رامنځته کړی دی.»
هغه زیاته کړه،سږ کال امن او نا امنه سیمو کې لسګونه د بشري مرستو رسوونکي په نښه شوي دي.
رامز ټینګار وکړ،چې د بشري مرستو رسوونکي بې طرفه دي او نه باید په نښه شي.
دا غوښتنه داسې مهال کېږي،چې د هېواد په ګڼو ولایتونو کې د افغان ځواکونو او وسله والو طالبانو ترمنځ نښتو تربل هر وخت زور اخیستی، یو شمېر سیمې د طالبانو لاسته لوېدلې او زرګونه کورنۍ بېځایه شوې دي.
