د چین د بهرنیو چارو وزیر وانګ یې ویلي، امریکا باید تر وتلو وروسته افغانستان یوازې پرېنږدي.
وانګ یې د افغانستان اوسني وضعیت ته په اشارې ویلي، چې اوسمهال تر ټولو مهمه او بېړنۍ دنده دا ده، چې د افغانستان سوله او ثبات وساتل شي.
د چین رسنیو د راپور له مخې، د چین د بهرنیو چارو وزیر وانګ یې په بېجينګ کې د نړيوالې سولې نهمې دورې فورم پرانيستونکو مراسمو ته وینا کې ویلي، امريکا تر اوسه د افغانستان په مسئله کې یوازې د پاروونکې رول لوبولی دی.
نوموړي ویلي، امريکا بايد خپل مسوولیت د نورو پر اوږو بار نه کړي او له افغانستانه د خپلو ځواکونو له ايستلو وروسته دغه هېواد یوازې پرېنږدي.
