د فراه ولایت د بالابلوک ولسوالۍ فراه رود سیمه کې د طالبانو او امنیتي ځواکونو ترمنځ د تېرې شپې راهیسې جګړه روانه ده.
فراه کې سرچینو شمشاد نیوز سره خبروکې منلې، چې فراه رود کې د ملي پوځ یو بیز طالبانو نیولی دی.
سرچینه وايې، هلته د ملي امنیت یوه قطعه لاهم طالبانو سره جګړه کوي.
سرچینه زیاتوي، دغو نښتو کې شاوخوا ۳۰ طالبانو ته مرګ ژوبله اوښتي ده .
ځايي اوسېدونکي وايي، د فراه رود په سیمه کې د جګړې له امله د هرات-کندهار لویه لاره د مسافرو پرمخ تړلې ده .
طالبان بیا ادعا کوي، چې فراه رود بازار سیمه يې نیولې ده .
طالب ویاند قاري یوسف احمدي ادعا کوي، چې هلته مېشتو سرتېرو وسلې پرځمکه ایښي او دوی ته تسلیم شوي دي.
فراه رود د هرات – کندهار پرلویه لاره د فراه اړوند دوراهۍ سیمه کې موقعیت لري .