د ملي روغې جوړې عالي شورا مشر عبدالله عبدالله له سي این این سره په مرکه کې ویلي، هېڅ تضمین نه شته، چې افغانستان دې د ترهګرو پر پناه ځای بدل نه شي او په وینا یې طالبان په دې برخه کې ناکام دي.
عبدالله تور پورې کړی، چې لا هم طالبان له القاعده شبکې او نورو وسله والو ډلو سره اړیکې لري، چې په خبره یې دا د سیمې او نړۍ لپاره ګواښ دی.
نوموړي د هغې پوښتنې په ځواب کې چې په راتلونکو شپږو میاشتو کې به طالبان کابل ونیسي ویلي، د کابل سقوط کول یو خیال دی.
هغه دا هم ویلي، چې دوحه کې بین الافغاني خبرې پڅې روانې دي او ډیر کم پرمختګ پکې شوی دی.