د منځنۍ اسیا او یو شمېر نورو هېوادونو د افغانستان په شمال کې د طالبانو تازه پرمختګونو ډېرېدل د سیمې لپاره ګواښ وباله.
د منځنۍ اسیا هېوادونو تاجکستان، قزاقستان، قرغزستان، ارمنستان، روسیې، سربیا، افغانستان او بيلاروس د پارلمانونو مشرانو د ټولیز امنیت په بین پارالماني ناسته کې، چې د تاجکستان پلازمېنه دوشبنه کې جوړه شوې وه، دغه اندېښنه وښووله.
دوی د افغانستان د روان حالت د ارزونې پر مهال له طالبانو غوښتي، چې د خبرو میز ته کېني.
ولسي جرګې ویلي، په دغې ناستې کې ګډونوالو په وروستیو کې د افغانستان په شمال کې د خوځښتونو د ډېرېدو په تړاو خبرې کړي او له افغان حکومت او طالبانو یې د سولې خبرو د چټکتیا غوښتنه کړې ده.
افغانستان په شمال او شمال ختیځ کې د منځنۍ اسیا له هېوادونو سره اوږده پوله لري او په ورستیو کې د طالبانو د بریدونو تر سختېدو وروسته یو شمېر افغان سرتېري تاجکستان ور اوښتي وو.
راپورونه وایي، د طالبانو بریدونو تر ډېرېدو وروسته د تاجکستان سرحدي ځواکونه د تیارسۍ حال ته تللي.
