د امریکا د بهرنیو چارو وزارت ویلي، انتوني بلینکن له مولود چاووش اوغلو سره د ټیلفون پر کرښه پر دوه اړخیزو همکاریو او دغه راز افغانستان او سوریه کې پر ګډو ګټو خبرې کړې دي.
که څه هم د افغانستان په اړه د بلینکن او اوغلو د خبرو نور جزیات نه دي خپاره شوي، خو ښايي دواړه لوري په ترکیه د افغان سولې په هکله د جوړېدونکې ناستې په اړه هم غږېدلي وي.
تر دې وړاندې انتوني بلینکن د روسيې د بهرنیو چارو له وزیر سرګي لاوروف سره هم پر افغان سوله او د افغانستان پر راتلونکي وضعیت خبرې کړې وې.
