د اسټرالیا کرکټ ټیم ویلي چې د سږ کال اشیز ټسټ لوبو له سېریز وړاندې به د افغانستان له کرکټ لوبډلې سره په هوبارټ لوبغالي کې د ټسټ لوبه ترسره کړي.
اسټرالیا ویلي چې یاده لوبه به د روان کال نومبر میاشتې په ۲۷مه نېټه پیل شي.
دغه ټسټ لوبه به د کرکټ نړیوالې شورا د شل اوریز کرکټ نړیوال جام څخه وروسته، چې په اکټوبر او نومبر میاشت کې ترسره کېږي، ترسره شي.
دا په داسې حال کې ده چې افغانستان تر اوسه شپږ ټسټ لوبې کړي چې درې یې په خپله بریا پای ته رسولي دي.
