دوه زره اتلسم کال د ملکي مرګ ژوبلې له پلوه خونړی کال و.
په کابل کې د ملګرو ملتونو یا یوناما مالومات ښيي چې دوه زره اتلسم کال کې تر نږدې یولس زرو ملکي وګړو ته مرګ ژوبله اوښتې چې ښځې او ماشومان هم پکې شامل دي.
یوناما وايي، د مرګ ژوبلې درې شپیته سلنه د دولت ضد وسله والو او څلرویشت سلنه ېې د افغان حکومت له لوري ښودل شوې ده .
په کابل کې د یوناما د بشري حقونو رییس ریچارد بینیت داسې وویل (( جګړې په افغانستان کې درنه مرګ ژوبله اړلې ده، په ۲۰۱۸ کال د ملکي مرګ ژوبلې کچه ډیره لوړه وه، په دغه کال کې ۱۰۹۹۳ تنه ملکي وګړي ټپیان او وژل شوي دي، چې دوه په دریمه برخه يې د وسله والو او یوه په څلورمه برخه د حکومت له لوري ده.))
د یوناما مالومات ښي چې د مرګ ژوبلې ۴۲ سلنه يي ځانمرګې بریدونه او په ګڼې ګڼو سیمو کې له مخکې ځاي پرځاي شویو چاودیدونکو توکو له امله رامنځته شوې ده.
د مرګ ژوبلې زیاته پړه د دولت پر وسله والو مخالفینو ده چې ځانمرګو بریدونو کې یې اړولې ده.
د یوناما دمالوماتو له مخې په تیرو لسو کلونو کې تر دوه دیرش زرو زیات ملکي وګړي وژل شوي او تر شپیته زرو زیات ټپیان شوي دي.
