قطر کې د طالبانو او سیاسیونو ترمنځ ناسته کې به سیاسیون محوري رول و نه لري.
امریکا او طالبان پنځه ورځې وروسته بیا د قطر په مېز بحث کوي چې اوسمهال د سولې لپاره د امریکا ځانګړی استازی زلمی خلیل زاد د سیمې هېوادونو په سفر بوخت دی، خو د خبرو میکانیزم برابر شوی دی.
د مسکو د ناستې برخوالو چې طالبانو سره یې بحث ارام و بله ناسته یې په دوحه کې جوړیږي.
طالبان غواړي له دې لارې خنډونه له منځه یوسي چې د سولې وروسته یې اټکل کیږي.
افغان حکومت کار کوي چې د سولې شورا سره یوځای په مرکچي پلاوي کې بدلون راولي.
تمه داده چې د قطر ناسته کې به د طالبانو او افغان حکومت ترمنځ مخامخ خبرو ته لار هواره شي.
د سولې او اعتدال ټيم چې د دې ناستې ګډونوال دی، له حکومت هم غوښتنه کړې وه چې قطر ته دې استازي ولیږي.
باور کېږي چې د قطر په ناسته کې به سیاسیون محوري رول و نه لري او یوازې د سولې په تړاو به بحثونه وکړي.
افغان حکومت ناسته کې ګډون په دې مشروط کړی چې طالبان په کې له افغان حکومت سره خبرو ته کېني، هغه څه چې د سولې شورا یې هم غواړي.
په دوحه کې اصلي خبرې به د طالبانو او امریکا ترمنځ وي چې افغان حکومت هم له دې امله د قطر په تېره ناسته جدي غبرګون درلود، خو سیاسیونو سره د طالبانو ناستې هدف یوازې همدا بلل کېږي چې طالبان وار له مخه هغه ګواښونه له منځه یوسي چې امریکا سره د سولې په اړه توافق ته رسیږي.
له دې سره د سولې عالي شورا کار کوي چې مرکچي پلاوي کې بدلون راولي ترڅو د سولې خبرو ته سرعت ورکړي خو په کمېټې تر اوسه کار نه دی پیل شوی چې له افغان حکومت د خلیل زاد غوښتنه وه.
افغان حکومت د سولې په تړاو د کب میاشتې په وروستیو ورځو کې لویه مشورتي جرګه رابلي چې د راپورونو پراساس ښایي له درې تر پنځه ورځو به دوام وکړي.
