د پاکستان او هند اړیکې د افغان سولې پورې تړاو نه لري.
پاکستان باید د بې اساسه او بې بنیاده څرګندونو پر ځای سیمه کې د ترهګرۍ پر ضد عملي ګامونه واخلي.
د ارګ ویاند هارون چخانسوري له لوري رسنیو ته په استول شوي غږیز پیغام کې ویل شوي، چې د افغان سولې په وړاندې لوی ګواښ په سیمه کې د تروریستي ډلو د مرکزونو او ځالو شتون دي.
هارون چخانسوري ویلي، سیمه کې د تروریزم له ځالو او مرکزونو څخه نور باید د وسیلې په توګه استفاده ونشي او په ځانګړي توګه پاکستان باید له تروریزم سره د مبارزې په برخه کې عملي ګامونه واخلي.
د افغانستان د بهرنیو چارو وزارت هم د پاکستان د سفیر څرګندونې غیرمنطقي بللي او زیاتوي چې د پاکستان او هند اړیکې د افغانستان د سولې له بهیر سره هېڅ تړاو نهلري.
د بهرنیو چارو وزارت ویاند صبغت الله احمدي بیا د هند او پاکستان اړیکو ته په اشارې ویلي ، کوم مشکل چې د هند او پاکستان تر منځ دی، اړخ یې مشخص دی دا چې دا هېواد په دې ډول ګواښ کوي، دا ډېر غیر منطقي ده.
بهرنیو چار وزارت یوه ورځ وروسته د همدغو څرګندونو په تړاو کابل کې د پاکستان سفیر زاهد نصرالله احضار کړ.
