اسراييلي ځواکونه وايي، سوریه کې یې د قدس په نوم د ایراني ځواکونو پر اډه توغنديز بریدونه وکړل.
اخوا سوري ځواکونو ویلي، دغه اسراييلي توغندي یې په هوا کې له منځه وړي دي.
د دمشق اوسیدونکو ویلي؛ د شپې له خوا یې یو ساعت د زورورو چاودنو غږونه اوریدل.
د ایران په ملاتړ قدس ځواکونه له اوږدې مودې راهیسې په سوریه کې فعالیت لري چې اسراييلو ته یې سرخوږی جوړ کړی دی.
اسراييلي ځواکونه وايي، سوریه کې د ایران د لاسوهنې له امله اسراييلو ته ګواښ پیښيږي او له همدې امله پر هغوی بریدونه کوي.
