د ولسمشریزو ټاکنو د معلوماتي کڅوړو اخیستونکو شمېر درې اویا ته رسيدلی.
د ټاکنو کمیسیون او د ټاکنیزو شکایتونو کمیسیونو تر منځ نه همغږي د کابل د پارلماني ټاکنو پایلې ځنډولي دي.
د کابل د رایو د بیا شمیرنې پروسې نظارت ته د شکایتونو کمیسیون نه حاضريږي او همدا لامل دی چې د کابل د ولسي جرګې د ټاکنو پایلې ځنډیدلي.
د ټاکنو خپلواک کمیسیون وايي؛ د کابل د ټاکنو اتیا سلنه تخنیکي کارونه بشپړ شوي او د ځینو محلونو تر تفتیش وروسته به د اونۍ تر پایه لومړنۍ پایلې اعلان کړي.
له دې سره د ولسمشریزو ټاکنو د معلوماتي کڅوړو اخیستونکو شمېر درې اویا ته رسيدلی خو تر دې دمه دوو کسانو رسماً نوم لیکنه کړې ده.
د ټاکنو خپلواک کمیسیون وايي؛ د کابل ولایت د ټاکنو ۸۰ سلنه مواد یې سیسټم ته دننه کړي او د ځینو محلونو د رایو تفتیش لپاره د شکایتونو کمیسیون نه حاضريږي چې کارونه یې ځنډولي.
د ټاکنو خپلواک کمیسیون د شکایتونو کمیسیون پړ بولي چې پر خپل وخت د پروسې تفتیش ته نه دي راغلي.
دوی وايي؛ که د شکایتونو کمیسیون د کابل د رایو تفتیش پروسې ته حاضر شي د اونۍ تر پایه د کابل لومړني پایلي اعلانیدی شي.
په دې تړاو مو د ټاکنیزو شکایتونو کمېسیون نظر اخیست، خو هغوی حاضر نه شول چې خبرې وکړي.
له بلې خوا د ټاکنو کمېسیون وایي، د ولسمشریزو ټاکنو لپاره ۷۳ کسانو معلوماتي کڅوړې تر لاسه کړي چې دوه کسانو یې نوم لیکنه کړې ده.
د ولسمشریزو ټاکنو د نوماند کیدو لپاره د جدي وروستۍ نېټې انتخاباتي ټکټونه کولای شي کمېسیون ته ورشي او نوم لیکنه وکړي.
