امنیتي بنسټونه په دې کار کوي چې په ژمي کې په وسلوالو ډلو خپلو بریدونو ته زور ورکړي.
افغانان به تر هغې له یوې تپل شوې ورانوونکي جګړې سره مخ وي، تر څو چې سولې ته و نه رسیږي.
ولسمشرغني وایي، جګړه قوي او قاطع مدیریت ته اړتیا لري خو دښمن به یې د خپلواک او پرمختللي افغانستان په لور اراده بدله نه کړي.
تحلیل کوونکي وایي، په افغانستان کې جګړه د سیمې او نړۍ زبرځواکو هېوادونو د ګټو لپاره روانه ده.
خو ها خوا د کورنیو چارو سرپرست وزیر امرالله صالح بیا خبرداری ورکړی چې په دښمن به هیڅ رحم و نه کړي.
کابل کې د دوشنبې وسلوال برید له دې امله ټکان ورکوونکی و چې ګڼي د سولې خبرو ته به زیان واړوي.
خو له طالبانو سره د سولې له خبرو وروسته بیا هم قوي باور نه کېږي چې دلته به جګړه پای ته ورسیږي.
اوس د جګړې کارپوهان په دې عقیده دي چې د سیمې او نړۍ زبرځواک هېوادونه لاهم غواړي په افغانستان کې د خپلو ګټو وټو د خوندیتوب لپاره تحمیل شوې نیابتي جګړه تېزه کړي.
د ولسمشر غني په وینا جګړه قوي او قاطع مدیرت ته اړتیا لري او په دې سره په خپلو هغو نویو وزیرانو ډېر باور لري چې دفاع او کورنیو چارو وزارت لپاره یې تازه په تازه ګمارلي دي.
کورنیو چارو وزارت لپاره نوی وزیر امرالله صالح خبرداری ورکوي چې په دښمن به رحم و نه کړي.
اوس امنیتي بنسټونه په دې کار کوي چې په ژمي کې په وسلوالو ډلو خپلو بریدونو ته زور ورکړي.
خو داسې لیدل کېږي چې اوس د امنیتي او دفاعي ځواکونو مسوولیت لا په ډېرېدو دی چې ملي امنیت شورا باور لري چې د نویو بدلونو سره یې د دښمن روحیه او مورال ته تاوان رسولی.
افغان حکومت د اوبوظبۍ ناستې له خبرو وروسته چې افغان پلاوي پکې له طالبانو سره مخامخ خبرې و نه کړې، داسې ښکاري چې د افغان حکومت دریځ د وسلوالو ډلو پر وړاندې لا ډېر سخت شوی دی.
